天洛卡TinokaPencilbox

《種子》（76） 又一個輾轉反側的晚上。腦海被大量零碎的回憶片段佔據，一切喜 怒哀懼愛憎欲，由有記憶以來、至數小時前和麥澤道別為止。    彷彿，一切仍在進行中，現實中卻是早已消逝於時間洪流當中。不論是令我感覺正面或負面的，對我都有一種莫名的吸引力。我像一個漩渦、一股引力，想要把這曾經的一切緊緊抓著。沒有零碎的它們，我就沒機會被拼 湊 出來。沒有過去，就沒有現在，更遑論未來…    「唔好諗太多！搞到萬珂身上嘅黑蛇重生，就大檸樂！」我告誡自己。萬珂才是我的生命、我的一切、我的現在與未來…苦笑。怎麼聽來著魔似的？    翌日，精神欠佳，一對又大又黑的眼圈牢牢黏附在眼底，令又白又瘦的我看來更像道友。不停打呵欠，無意間釋放出失眠所造成的口臭，臭得附近的同學紛紛走開。    本該是很差勁的感覺，偏偏勾起我的快樂小回憶：和四姝相遇的第二個早上，我也是處於這種狀態。    「早晨！」萬珂回來了，神采奕奕地給我一個燦爛笑容，甜美可人。「成隻喪屍咁！嘻！」她不嫌我臭，逕自坐到我身邊。    「小心我啲屍臭呀！小姐！」 雖 和萬珂 回復朋友關係 ，卻能像 相識之初 一樣開玩笑。感覺良好。     「你今日都要加油呀！」萬珂是個神奇的女孩，長期輸出正能量光芒。金光耀目，如朝日，美麗卻遙遠。    「嗯。」我 假笑， 心情突然一落千丈。 萬珂 ，觸不可及。    我的一切，回歸最初。    「我見自己嘅身體狀況已經恢復得七七八八，黑蛇又五勞七傷。琴晚試下消滅剩低嘅少量黑蛇。點知真係成功咗！」萬珂興奮地向我、大輝和莊鄒報喜。「雖然引力同登仔嘅金光仍然喺度，但對我影響唔大。」    「不過唔好掉以輕心，始終係外來物。」莊鄒氣弱柔絲，乾咳幾聲。    莊鄒面色仍然蒼白，雖比前晚好多了。她柔柔地倚在大輝肩 膀 ，眼神失去往日的傲嬌，餘下無力的笑容。大輝曾抱怨莊鄒不夠溫柔，可是這明顯不是為了成為「稱職女友」...

《種子》（75） 不消一會，麥澤突然皺起眉頭，狀甚困惑：「寫多隻字俾我。」    我寫了個「隻」字。她看著、算著，表情越發憂慮。當我想要查問看，司機大佬拋下了煙 蒂 ，回到車廂內，眉 開眼笑 ：「龍頭開始郁喇！」再過二十分鐘，我仨已到達外賣哥的屋苑大堂。    私樓，有泳池、健身室、花園、遊樂場。大堂牆身和地面用上雲石，天花貼上茶鏡，吊有巨型水晶燈，還有兩套真皮梳化、茶几，供訪客使用。沒有龍知梓家的浮誇，卻同樣是引人發笑的舊派豪氣。    我仨在其中一套貴價梳化上坐下，靜待外賣妹下樓來，帶走快要醉得垮下來的外賣哥。「可惜，外賣妹係龍知靈團隊嘅人；如果唔係，我一定會更加進取咁同佢做朋友。」麥澤對外賣妹評價甚高：「如果佢生於古代，應該係一人之下，萬人之上。」    「咁邊個係皇帝？」我認為係龍知梓，他是當皇帝的材料。若能克服心理障礙，他會是明君；克服不了，肯定是個暴君。    「唔係龍知梓。」麥澤看穿我所想，嫣然一笑。    升降機門打開，一位妙齡少女和我們招手示意。哇！一看就知道她是外賣妹，和外賣哥一樣，有豹一般的輪廓。不漂亮，卻蠻有氣質：萬珂的溫柔、莊鄒的清雅、寒菲的活潑、麥澤的成熟。複雜眼神背後，還有一份不能磨滅的堅忍。難怪外賣哥經常講，若非有他這不像樣的兄長，她定能登上人生高 峰！    「唔該麥澤姐！唔該諾登哥！」外賣妹是個不折不扣的文青，帶點小清新的書卷氣。她接過沉甸甸的外賣哥，小巧的身軀不自覺踏後一步作力點。    「咦？你識我？」我沒有驚訝，只是需要找個話題作開場白。    「阿哥成日講起你哋幾個：輝爺、知梓兄、諾登哥。」外賣妹一口氣唸出外賣哥私下給我們起的雅號。「佢仲 俾過你哋啲相我睇。」她從外賣哥褲袋抽出手提電話，熟練地打開某資料夾的相片。是某日在桑拿房玩搶毛巾之後，突然興起燒烤時的大合照。「好少見佢笑得咁開心。」她狀甚感慨：「識到你哋，係佢嘅運氣。」    「無話咩運唔運氣…緣份囉！係用唔知幾多世積落嘅緣份！」這是從四姝...

《種子》（74） 如何界定「有問題」和「無問題」？    一個推鎖員是否能幹，公司會參考他的業績數字，看有否達標；食物是否符合衛生標準，其中一個考慮因素，就是「含菌量」有否超越衛生組織所建議的準則；有否罹患高血壓，可以參考健康組織提出的指標…    今天沒有高血壓，但明天就成了高血患者，何解？因為健康組織調整了指標，由 140/90mmHg 收緊至 130/80mmHg ，所以就由「無問題」變成「有問題」，儘管收縮壓和舒張壓（ 135/85mmHg ）仍然不變。    含菌量標準，是可以調整的；業績標準，同樣也是可以調整的…連客觀的「數字標準」都可以隨著制度（或其他因素）改變而調整，何況是那些難以用數字去計算的主觀標準？    何謂「天才」？何謂「白痴」？梵高是藝術界的天才還是白痴？何以他生前不被賞識，反而死後多年，畫作竟能以天界成交？畫作變異了嗎？不！是世人的標準變了。或許，再過一段時間，他又會被貫以另一種標籤。    何謂「有問題」？何謂「無問題」？有誰能作主，說那一定是百分百有問題或無問題？    「假設佢呢種係『病』，按外賣哥嘅描述，絕對係病入膏肓嘅程度。如果佢真係會對女性下毒手，一早出事，俾人發現咗啦！仲有機會偷偷哋意淫我半年咩？佢收埋得真係好好！佢唔講，絕對無人發現到，證明佢絕對有足夠嘅自我控制能力。    唔會將影像實踐出嚟，唔會傷害其他人，有足夠自我控制能力，純粹係有一啲令佢不停產生負面情緒嘅色情影像。即係話，只需要著眼於『負面情緒』同『色情影像』兩樣嘢；而『色情影像』就係『負面情緒』嘅源頭，咁我只需要搞掂『色情影像』就得！    咩人會不停有『色情影像』喺腦海出現？你答我。」麥澤指著我。       「咸濕佬。」我答，但她仍指著我。    「你覺得男人咸濕，正唔正常？」她又問，引導我思考。    「絕對正常。而且佢無影響到其他人…」我恍然大悟：「咁有咩問題？」 ...

《種子》（73） 「龍知梓無做校董之後，得閒咗好多。近排鍾意捉棋…」我驚覺自己對外賣哥已生起戒心。換著以往的我，肯定會講得更詳細、更深入。現在，我只敢將外賣哥本身知道的東西再略略提及。「同寒菲仲係咁曖昧，都唔知佢哋有無心喺埋一齊…」寒菲，對不起！要把你當作話題。    希望只是我的小人之心作 祟 吧！外賣哥一直以來，不計辛勞，幫助我、大輝和龍知梓重投正常社交生活，該不會是個壞傢伙。即使轉投到龍知銳旗下，斷不會變成陰險小人，向無啥戒心的我下手，套取情報吧！    「你呢？轉到全科班，會唔會好大壓力？係咪真係難好多？」我終於忍不住要把話題換掉。    「壓力，梗係有。做人點會無壓力？！」他豁然大笑，然後向老闆要了一罐啤酒和一罐沙示。沙示給我，啤酒歸他。「飲啦！唔使客氣！我請！」他記得我的口味。    「你唔係要影相咩？」我連忙制止他。    「我飲醉咗之後，影相仲靚！」他笑著大聲說：「你問下大家！」    我回頭環視四周， Cosplayer 們帶笑點頭附和。    酒入愁腸愁更愁，外賣哥的壓力，始終離不開家庭。    「有一日，細妹直接衝入我房，鎖門。眼紅紅，聲都震埋，嘗試好冷靜咁同我講：『我終於明白，點解我傾咗咁多次都無成功過。因為一直只有我一個人去同阿爸傾。不如我哋兩個一齊去同佢講，好無？』佢係自尊心好強嘅女仔，唔到最後都唔會開口求人，仲要係用哀求嘅口吻同眼神！    我拒絕咗。因為我好清楚無論做幾多嘢，阿爸都係唔會變。意見接受，態度照舊。    『所以你咪一世都無得玩相機囉！』細妹應該係覺得好絕望，突然面色一變，隨手攞起枕頭，發晒癲咁打我：『阿爸同我講，阿哥願意為咗學業，而放棄最鍾意嘅攝影。點解佢得，你唔得？』佢一路打一路喊，越打越癲：『你係咪真係廢到…連自己最鍾意嘅嘢…都可以…就．咁．放．棄？！』簡直可以用歇斯底里去形容佢當時嘅狀態。    我無答佢，由得佢繼續打。等佢打到夠，停手，算。 ...